രണ്ട് വര്ഷം മുമ്പ് ഐപിഎല് വിലക്ക് നേരിടുന്ന കാലത്തെ കോച്ചുകളെ തിരികെ ടീമിലെത്തിച്ചു ചെന്നൈ സൂപ്പര് കിംഗ്സ്. മുഖ്യ കോച്ചായി സ്റ്റീഫന് ഫ്ലെമിംഗിനെയും ബൗളിംഗ് കോച്ചായി ലക്ഷ്മിപതി ബാലാജിയെയുമാണ് ചെന്നൈ തിരികെ കൊണ്ടുവന്നത്. നേരത്തെ സൂപ്പര് താരങ്ങളായ ധോണി, റൈന, ജഡേജ ത്രയത്തെയും ഐപിഎല് നിലനിര്ത്തല് കാലാവധിയില് ടീം നിലനിര്ത്തിയിരുന്നു. ബാറ്റിംഗ് കോച്ചായി മൈക്കല് ഹസിയെയും ടീം ഫിസിയോ ടോമി സിംസെകിനെയും നേരത്തെ തന്നെ ടീം സ്വന്തമാക്കിയിരുന്നു.
ചെന്നൈ സൂപ്പര് കിംഗ്സിന്റെ അടിസ്ഥാന ടീമിനെ തിരികെ കൊണ്ടുവരാനുള്ള ശ്രമത്തിലാണ് തങ്ങളെന്നും അതിനാല് തന്നെയാണ് പഴയ താരങ്ങളെയും കോച്ചിംഗ് സ്റ്റാഫിനെയും തിരികെ എത്തിക്കുന്നതെന്ന് സിഇഒ കെ എസ് വിശ്വനാഥന് അറിയിച്ചു. 2017ല് ബാലാജി കൊല്ക്കത്ത നൈറ്റ് റൈഡേഴ്സിന്റെ കോച്ചായി പ്രവര്ത്തിക്കുകയായിരുന്നു. വിലക്കിന്റെ കാലയളവില് ഫ്ലെമിംഗ് റൈസിംഗ് പൂനെ സൂപ്പര് ജയന്റ് കോച്ചായി പ്രവര്ത്തിച്ചു.
കൂടുതൽ കായിക വാർത്തകൾക്ക് : www.facebook.com/FanportOfficial
