ഇന്ന് സണ്റൈസേഴ്സ് ഹൈദ്രാബാദിനെതിരെയുള്ള ഐപിഎല് മത്സരത്തില് കിംഗ്സ് ഇലവന് പഞ്ചാബ് നിരയിലേക്ക് യൂണിവേഴ്സ് ബോസ് ക്രിസ് ഗെയില് എത്തുമെന്ന് സൂചന. ടീമിന്റെ ആദ്യ അഞ്ച് മത്സരങ്ങളില് താരത്തിന് അവസരം ലഭിച്ചിരുന്നില്ല. ഗ്ലെന് മാക്സ്വെലിന് പകരമാണ് ക്രിസ് ഗെയില് ടീമിലേക്ക് എത്തുക എന്നാണ് അറിയുന്നത്.
അഫ്ഗാന് മുന് നിര സ്പിന്നര് മുജീബ് ഉര് റഹ്മാനെ ക്രിസ് ജോര്ദ്ദന് പകരം ടീം പരിഗണിക്കുമെന്നും സൂചന ലഭിയ്ക്കുന്നുണ്ട്. പവര്പ്ലേയില് പന്തെറിയുവാന് ശേഷിയുള്ള താരമാണ് മുജീബ് ഉര് റഹ്മാന്. അഞ്ച് മത്സരങ്ങളില് 4 തോല്വിയേറ്റ് വാങ്ങിയ കിംഗ്സ് ഇലവന് പഞ്ചാബ് പോയിന്റ് പട്ടികയില് അവസാന സ്ഥാനത്താണ്.