ഇന്ത്യൻ പ്രീമിയർ ലീഗിലെ ധോണിയുടെ അവസാന സീസണാകും എന്ന് പലരും പ്രവചിക്കുമ്പോൾ, എന്ന് വിരമിക്കണം എന്നത് ധോണിയാണ് തീരുമാനിക്കേണ്ടത് എന്ന് ചെന്നൈ സൂപ്പർ കിംഗ്സ് (സിഎസ്കെ) ഫാസ്റ്റ് ബൗളർ ദീപക് ചാഹർ പറഞ്ഞു.
“ഇത് അദ്ദേഹത്തിന്റെ അവസാന വർഷമാണെന്ന് ആരും പറഞ്ഞിട്ടില്ല. കുറഞ്ഞത്, ധോണി പറഞ്ഞിട്ടില്ല എന്ന് എനിക്ക് അറിയാം. ധോണി കൂടുതൽ കളിക്കുമെന്ന് പ്രതീക്ഷിക്കുന്നു.” ചാഹർ ന്യൂസ് ഇന്ത്യ സ്പോർട്സിനോട് പറഞ്ഞു.
“എപ്പോൾ വിരമിക്കണമെന്ന് അദ്ദേഹത്തിന് അറിയാം, ടെസ്റ്റിലും അന്താരാഷ്ട്ര ക്രിക്കറ്റിലും അദ്ദേഹം കളിച്ചപ്പോൾ ഞങ്ങൾ അത് കണ്ടു. മറ്റാരും അത് പറയാൻ ആളല്ല. അവൻ കളിക്കുന്നത് തുടരുമെന്ന് ഞാൻ പ്രതീക്ഷിക്കുന്നു, അദ്ദേഹത്തിന് കീഴിൽ കളിക്കുന്നത് ഒരു അഭിമാനമാണ്. അദ്ദേഹത്തോടൊപ്പം കളിക്കുക എന്നത് ഒരു സ്വപ്നമാണ്.”ചാഹർ കൂട്ടിച്ചേർത്തു.