രാജസ്ഥാൻ റോയൽസ് സ്പിന്നർ ചാഹർ ഒരു ഇതിഹാസം ആണെന്ന് ക്യാപ്റ്റൻ സഞ്ജു സാംസൺ. അദ്ദേഹത്തിന് ഇതിഹാസത്തിന്റെ ടാഗ് നൽകേണ്ട സമയമായി എന്ന് സഞ്ജു ഇന്ന് മത്സര ശേഷം പറഞ്ഞു. ഒരുപാട് കാലനായി ചാഹൽ പന്തു കൊണ്ട് മായാജാലങ്ങൾ കാണിക്കുന്നു എന്നും സഞ്ജു പറഞ്ഞു. ചാഹൽ നാലു വിക്കറ്റുകൾ വീഴ്ത്തി കെ കെ ആറിനെ 150 റൺസിൽ ഒതുക്കുന്നതിൽ പ്രധാന പങ്കുവഹിച്ചിരുന്നു. ഈ നാലു വിക്കറ്റുകളോടെ ഐ പി എൽ ചരിത്രത്തിൽ ഏറ്റവും കൂടുതൽ വിക്കറ്റ് വീഴ്ത്തിയ താരമായും ചാഹൽ മാറി.
അദ്ദേഹത്തെ ഫ്രാഞ്ചൈസിയിൽ കിട്ടിയതിൽ ഞങ്ങൾ നന്ദിയുള്ളവരാണ്. അവനോട് ഒരിക്കലും ഒന്നും സംസാരിക്കേണ്ടതില്ല, പന്ത് കൊടുക്കുക മാത്രമെ ചെയ്യേണ്ടതുള്ളൂ, എന്തുചെയ്യണമെന്ന് അവനറിയാം. ഡെത്തിലും അദ്ദേഹം നന്നായി പന്തെറിയുന്നു, ക്യാപ്റ്റനെന്ന നിലയിൽ എനിക്ക് ഇതിൽ വളരെ സന്തോഷമുണ്ട്. സഞ്ജു സാംസൺ പറഞ്ഞു.
