ഇന്ന് തുടക്കത്തിൽ ബട്ലർ ജൈസ്വാളിന്റെ ഒരു മോശം കോൾ കാരണം റണ്ണൗട്ട് ആയിരുന്നു. എന്നാൽ ആ റണ്ണൗട്ട് മറക്കാനും കളിയിൽ ശ്രദ്ധ കൊടുക്കാനും തനിക്ക് പ്രചോദനം തന്നത് ക്യാപ്റ്റൻ സഞ്ജു സാംസൺ ആണ് എന്ന് മത്സര ശേഷം ജൈസ്വാൾ പറഞ്ഞു. ഇന്ന് 43 പന്തിൽ 98 റൺസ് എടുത്ത് പുറത്താകാതെ നിന്ന ജൈസ്വാൾ ആയിരുന്നു കളിയിലെ മികച്ച താരമായി തിരഞ്ഞെടുക്കപ്പെട്ടത്.
ഇന്ന് ബാറ്റു ചെയ്യുമ്പോൾ നെറ്റ് റൺ റേറ്റ് മാത്രമായിരുന്നു ഞങ്ങളുടെ മനസ്സിലുണ്ടായിരുന്നതെന്ന് ഞാൻ കരുതുന്നു, ഞാനും സഞ്ജുവും കളി വേഗത്തിൽ പൂർത്തിയാക്കുന്നതിനെക്കുറിച്ച് മാത്രമാണ് സംസാരിച്ചത്. ജൈസ്വാൾ പറഞ്ഞു. ബട്ട്‌ലർ റണ്ണൗട്ടായത് പോലുള്ള കാര്യങ്ങൾ അത് കളിയിൽ സംഭവിക്കുമെന്ന് ഞാൻ കരുതുന്നു, ഇത് എനിക്ക് കൂടുതൽ നന്നായി ബാറ്റു ചെയ്യാനുള്ള ഉത്തരവാദിത്തം നൽകുന്നു. ജൈസ്വാൾ പറഞ്ഞു.
സഞ്ജു ഭായ് വന്ന് എന്റെ കളി തുടരാനും റൺ ഔട്ടിനെക്കുറിച്ച് ചിന്തിക്കേണ്ടെന്നും പറഞ്ഞു. ഇത് സഹായിച്ചു. ജൈസ്വാൾ പറയുന്നു. എന്നെപ്പോലുള്ള ചെറുപ്പക്കാർക്ക് വന്ന് പ്രകടനം നടത്താൻ കഴിയുന്ന ഐപിഎൽ പോലുള്ള ഒരു ടൂർണമെന്റിന് ഞാൻ നന്ദിയുള്ളവനാണ് എന്നും ജൈസ്വാൾ പറഞ്ഞു.
