ഇന്നലെ ഇന്ത്യൻ പ്രീമിയർ ലീഗിൽ നിന്ന് വിരമിക്കൽ പ്രഖ്യാപിച്ച അമ്പാട്ടി റായിഡു ഇന്ത്യ കണ്ട ഏറ്റവും അണ്ടർ റേറ്റഡ് താരമാണെന്ന് മുൻ സഹതാരം കൂടുയായ ഉത്തപ്പ. ഇന്ത്യ ഇതുവരെ സൃഷ്ടിച്ചതിൽ വച്ച് ഏറ്റവും അണ്ടർ റേറ്റഡ് ക്രിക്കറ്റ് കളിക്കാരിൽ ഒരാളാണ് അദ്ദേഹം. അവൻ ടെസ്റ്റ് ക്രിക്കറ്റ് കളിക്കേണ്ടതായിരുന്നു, അവൻ ടെസ്റ്റ് കളിച്ചില്ലെന്ന് എനിക്ക് വിശ്വസിക്കാൻ കഴിയുന്നില്ല. ഉത്തപ്പ പറഞ്ഞു.
അവൻ ക്രിക്കറ്റിൽ സമർത്ഥനായ വിദ്യാർത്ഥിയാണ്. ടീമിന് വേണ്ടി എന്തും ചെയ്യുന്ന താരം. എല്ലാ ടീമുകളും അവനെ ലഭിക്കാൻ ഇഷ്ടപ്പെട്ടിരുന്നു. എന്റെ ജൂനിയർ കാലം മുതൽ ഞാൻ അവനെ കാണുന്നുണ്ട്. ഉത്തപ്പ ജിയോ സിനിമയോട് പറഞ്ഞു.
“റായിഡുവിന്റെ വിരമിക്കൽ എന്നെ സംബന്ധിച്ചിടത്തോളം ഹൃദയത്തെ സ്പർശിക്കുന്നതാണ്,” അദ്ദേഹം കൂട്ടിച്ചേർത്തു.