ഇന്ത്യൻ പ്രീമിയർ ലീഗിൻ്റെ 2024 സീസണിൽ രാജസ്ഥാൻ റോയൽസ് ബാറ്റിംഗ് താരം യശസ്വി ജയ്സ്വാൾ ആണ് താൻ ഉറ്റുനോക്കുന്ന താരം എന്ന് മുൻ ദക്ഷിണാഫ്രിക്കൻ ക്യാപ്റ്റൻ എബി ഡിവില്ലിയേഴ്സ് പറഞ്ഞു. മാർച്ച് 24 ഞായറാഴ്ച ജയ്പൂരിലെ സവായ് മാൻസിംഗ് സ്റ്റേഡിയത്തിൽ ലഖ്നൗ സൂപ്പർ ജയൻ്റ്സിനെ നേരിട്ട് കൊണ്ടാണ് ജയ്സ്വാളിന്റെ RR അവരുടെ IPL 2024 കാമ്പെയ്ൻ ആരംഭിക്കുന്നത്.
ഇംഗ്ലണ്ടിനെതിരായ ടെസ്റ്റ് പരമ്പരയിൽ ചരിത്രം തിരുത്തിയ ജയ്സ്വാൾ പൂർണ്ണ ആത്മവിശ്വാസത്തോടെ ആകും ഈ ഐ പി എൽ സീസണ് എത്തുന്നത്. ജയ്സ്വാൾ 600ന് മുകളിൽ റൺസ് നേടും എന്ന് താൻ പ്രതീക്ഷിക്കുന്നു എന്ന് ഡി വില്ലിയേഴ്സ് പറഞ്ഞു.
“ഞാം കാണാൻ കാത്തിരിക്കുന്ന ഒരു വ്യക്തിയുണ്ട്. അതാണ് ജയ്സ്വാൾ. തൻ്റെ കഴിവ് ടെസ്റ്റ് ഫോർമാറ്റിൽ അദ്ദേഹം കാണിച്ചു. ഇപ്പോൾ ടി20 ക്രിക്കറ്റിൽ തൻ്റെ കഴിവ് ശരിക്കും പ്രകടിപ്പിക്കേണ്ട സമയമാണ്. ആ ടെസ്റ്റ് പരമ്പരയിൽ നിന്ന് അദ്ദേഹം എടുത്ത ആത്മവിശ്വാസം ഈ ഐപിഎല്ലിലേക്ക് എടുക്കാൻ ആയാൽ ഈ വ്യക്തിയിൽ നിന്ന് ഞാൻ ഫയർവർക്സ് പ്രതീക്ഷിക്കുന്നു.” ഡി വില്ലിയേഴ്സ് പറഞ്ഞു.
“ഞാൻ കുറഞ്ഞത് 500-ലധികം റൺസ് എങ്കിലും ഈ സീസണിൽ പ്രതീക്ഷിക്കുന്നു, ഒരുപക്ഷേ 600-ലധികം പോലും റൺസ് അദ്ദേഹം നേടും, ”ഡിവില്ലിയേഴ്സ് പറഞ്ഞു.