മുൻ ദക്ഷിണാഫ്രിക്കൻ ഇൻ്റർനാഷണലും റോയൽ ചലഞ്ചേഴ്സ് താരവുമായിരുന്ന എബി ഡിവില്ലിയേഴ്സ് ഇന്ത്യൻ പ്രീമിയർ ലീഗിനെ (IPL) ഏറ്റവും വലിയ ക്രിക്കറ്റ് ലീഗ് ആയും ലോകത്തിലെ ഏറ്റവും വലിയ സ്പോർട്സ് ലീഗ് ആയും വിശേഷിപ്പിച്ചു.
CNN-News18-ൻ്റെ റൈസിംഗ് ഭാരത് ഉച്ചകോടിയിൽ സംസാരിക്കുക ആയിരുന്നു ഡിവില്ലിയേഴ്സ്. “ഐപിഎൽ തീർച്ചയായും ക്രിക്കറ്റിൻ്റെ കേന്ദ്ര ബിന്ദുവിൽ ഒന്നാണ്; അത് ശക്തിയിൽ നിന്ന് ശക്തിയിലേക്ക് പോവുകയാണ്. ഇത് ഇന്ത്യയിലെ ഏറ്റവും വലിയ ക്രിക്കറ്റ് ലീഗ് മാത്രമല്ല, ലോകത്തിലെ ഏറ്റവും വലിയ സ്പോർട്സ് ലീഗുമാണ്.” ഡി വില്ലിയേഴ്സ് പറഞ്ഞു.
ഇന്ത്യൻ പ്രീമിയർ ലീഗിൻ്റെ 17-ാം പതിപ്പ് ഈ വെള്ളിയാഴ്ച ചെന്നൈയിലെ ചെപ്പോക്കിലെ എംഎ ചിദംബരം സ്റ്റേഡിയത്തിൽ നിലവിലെ ചാമ്പ്യന്മാരായ ചെന്നൈ സൂപ്പർ കിംഗ്സും റോയൽ ചലഞ്ചേഴ്സ് ബാംഗ്ലൂരും തമ്മിലുള്ള പോരാട്ടത്തോടെയാണ് ആരംഭിക്കാൻ ഇരിക്കെ ആണ് ഡി വില്ലിയേഴ്സിന്റെ പ്രസ്താവന.