ഗുവാഹത്തിയിലെ ബർസപ്പാറ ക്രിക്കറ്റ് സ്റ്റേഡിയത്തിൽ ഇന്ത്യയും ദക്ഷിണാഫ്രിക്കയും തമ്മിൽ നടക്കുന്ന രണ്ടാം ടെസ്റ്റ് മത്സരത്തിൽ ടോസ് നേടിയ ദക്ഷിണാഫ്രിക്ക ബാറ്റിംഗ് തിരഞ്ഞെടുത്തു. 26.5 ഓവറിൽ 1 വിക്കറ്റ് നഷ്ടത്തിൽ 82 റൺസ് എന്ന നിലയിൽ സന്ദർശകർ ഭേദപ്പെട്ട തുടക്കമാണ് നേടിയിട്ടുള്ളത്. 81 പന്തിൽ 38 റൺസ് നേടിയ ഐഡൻ മർക്രം ആണ് പുറത്തായ താരം. ഇന്ത്യക്ക് വേണ്ടി ജസ്പ്രീത് ബുംറയാണ് വിക്കറ്റ് നേടിയത്. 6.5 ഓവറിൽ 3 മെയ്ഡൻ ഓവറുകൾ ഉൾപ്പെടെ 7 റൺസ് മാത്രം വഴങ്ങി ഒരു വിക്കറ്റെടുത്ത ബുംറ 1.00 എന്ന മികച്ച ഇക്കോണമിയിലാണ് പന്തെറിഞ്ഞത്.
80 പന്തിൽ 35 റൺസുമായി റയാൻ റിക്കൽട്ടൺ ക്രീസിലുണ്ട്. മർക്രമിനൊപ്പം 82 റൺസിന്റെ മികച്ച കൂട്ടുകെട്ടുണ്ടാക്കിയാണ് അദ്ദേഹം ഇന്നിംഗ്സിനെ മുന്നോട്ട് നയിക്കുന്നത്.