വിന്ഡീസിനെതിരെ പോര്ട്ട് ഓഫ് സ്പെയിന് ഏകദിനത്തില് ആദ്യം ബാറ്റ് ചെയ്ത് 279 റണ്സ് നേടി ഇന്ത്യ. ഇടയ്ക്ക് മഴ കളി തടസ്സപ്പെടുത്തിയെങ്കിലും ഇന്ത്യയുടെ ഇന്നിംഗ്സില് 50 ഓവറുകളും ബാറ്റ് ചെയ്യുവാന് ടീമിനായി. വിരാട് കോഹ്ലിയുടെയും(120) ശ്രേയസ്സ് അയ്യരുടെയും(71) മികവിലാണ് ഇന്ത്യ 7 വിക്കറ്റ് നഷ്ടത്തില് 279റണ്സ് നേടിയത്. 125 റണ്സിന്റെ നാലാം വിക്കറ്റാണ് ഇന്ത്യയുടെ ബാറ്റിംഗിന് അടിത്തറ പാകിയത്.
68 പന്തില് നിന്ന് 71 റണ്സ് നേടി ശ്രേയസ്സ് അയ്യര് ജേസണ് ഹോള്ഡര്ക്ക് വിക്കറ്റ് നല്കി മടങ്ങുകയായിരുന്നു. അധികം വൈകാതെ കേധാര് ജാഥവ്(16) റണ്ണൗട്ട് കൂടിയായപ്പോള് അവസാന ഓവറുകളില് പ്രതീക്ഷിച്ചത്ര റണ്സ് നേടുവാന് ഇന്ത്യയ്ക്കായില്ല. അവസാന പത്തോവറില് ഇന്ത്യയ്ക്ക് 67 റണ്സ് മാത്രമേ നേടാനായിരുന്നുള്ളു.
രവീന്ദ്ര ജഡേജ 16 റണ്സുമായി പുറത്താകാതെ നിന്നു. വിന്ഡീസ് നിരയില് കാര്ലോസ് ബ്രാത്വൈറ്റ് മൂന്ന് വിക്കറ്റുമായി തിളങ്ങി.