എമേർജിംഗ് ഏഷ്യാ കപ്പിൽ ഇന്ത്യക്ക് വലിയ വിജയം. ഇന്ന് ഗ്രൂപ്പ് ഘട്ടത്തിലെ അവസാന മത്സരത്തിൽ പാകിസ്താൻ എയെ നേരിട്ട ഇന്ത്യ 8 വിക്കറ്റ് വിജയം ആണ് നേടിയത്. സായ് സുദർശന്റെ അപരാജിത സെഞ്ച്വറിയാണ് ഇന്ത്യക്ക് വിജയം എളുപ്പമാക്കിയത്. ഇന്ന് ആദ്യം ബാറ്റു ചെയ്ത പാകിസ്താനെ ഇന്ത്യ 205 റൺസിൽ ഓളൗട്ട് ആക്കിയിരുന്നു. പാകിസ്താൻ നിരയിൽ 48 റൺസ് എടുത്ത ക്വാസിൽ അക്രം മാത്രമാണ് തിളങ്ങിയത്.
ഇന്ത്യക്ക് വേണ്ടി ഹംഗരെക്കർ 5 വിക്കറ്റ് വീഴ്ത്തി. മാനവ് സുതാർ മൂന്ന് വിക്കറ്റും വീഴ്ത്തി. മറുപടി ബാറ്റിങിന് ഇറങ്ങിയ ഇന്ത്യ 36.4 ഓവറിൽ ഫിനിഷ് ചെയ്തും 104 റൺസ് എടുത്ത് സായ് സുദർശൻ പുറത്താകാതെ നിന്നു. അവസാനം തുടർച്ചയായ രണ്ട് സിക്സ് പറത്തിയാണ് സായ് സുദർശൻ ഇന്ത്യയെ വിജയ റണ്ണിലേക്കും തന്റെ ഇന്നിംഗ്സ് സെഞ്ച്വറിയിലേക്കും എത്തിച്ചത്.
21 റൺസ് എടുത്ത ക്യാപ്റ്റൻ യാഷ് ദുൽ പുറത്താകാതെ നിന്നു. 53 റൺസ് എടുത്ത നികിൻ ജോസിനെയും 20 റൺസ് എടുത്ത അഭിഷേക് ശർമ്മയെയും ആണ് ഇന്ത്യക്ക് നഷ്ടമായത്. 3ൽ 3 മത്സരങ്ങളും വിജയിച്ച് ഇന്ത്യ ഗ്രൂപ്പ് ചാമ്പ്യന്മാരായി.