വെസ്റ്റിന്ഡീസിനെതിരെയുള്ള അഞ്ചാം ടി20യിലെ എട്ട് വിക്കറ്റ് പരാജയവും പരമ്പര കൈവിട്ട സാഹചര്യവും ഇന്ത്യയുടെ ആത്മവിശ്വാസത്തെ ബാധിയ്ക്കുമെന്ന് പറഞ്ഞ് സൽമാന് ബട്ട്. അത് ഇന്ത്യന് താരങ്ങളുടെ ബോഡി ലാംഗ്വേജിൽ പ്രതിഫലിക്കുമെന്നും മുന് പാക് താരം വ്യക്തമാക്കി.
വരാനിരിക്കുന്ന ഏഷ്യ കപ്പിന്റെയും ലോകകപ്പിന്റെയും ഫോര്മാറ്റ് ഏകദിനമാണെങ്കിലും വെസ്റ്റിന്ഡീസിനോട് പരമ്പര കൈവിട്ടത് ഇന്ത്യയ്ക്ക് വലിയ തിരിച്ചടിയാകുമെന്നാണ് ബട്ടിന്റെ വിലയിരുത്തൽ. ഫോര്മാറ്റേതെന്നോ ടീം ഏതെന്നോ എന്നതിലുപരി വിജയം നേടുവാനായാൽ അത് ടീമുകളുടെ ആത്മവിശ്വാസം ഉയര്ത്തുമെന്നും എന്നാൽ ഇവിടെ അതല്ല സംഭവിച്ചിരിക്കുന്നതെന്നും സൽമാന് ബട്ട് കൂട്ടിചേര്ത്തു.