ഇന്ത്യന് ടീം ഓരോ മത്സരവും ഒരു പുതിയ പാഠം ആയി ആണ് കണക്കാക്കുന്നതെന്നും ഓരോ മത്സരത്തിൽ നിന്നും ടീമിന് എന്തെങ്കിലും പഠിക്കാനുണ്ടാകുമെന്നും പറഞ്ഞ് ഇന്ത്യന് മുഖ്യ കോച്ച് രാഹുല് ദ്രാവിഡ്.
ഇന്ത്യയ്ക്ക് മൂന്നാം ഇന്നിംഗ്സിൽ എന്ത് കൊണ്ട് മികച്ച രീതിയിൽ ബാറ്റ് ചെയ്യാനായില്ല എന്നതിന് ടീം ഉത്തരം കണ്ടെത്തേണ്ടതുണ്ടെന്നും രാഹുല് ദ്രാവിഡ് വ്യക്തമാക്കി. ഇന്ത്യന് ടീമിന് നിരന്തരമായി ടെസ്റ്റിന്റെ മൂന്നാം ഇന്നിംഗ്സിൽ പലപ്പോഴും പരാജയം ഏറ്റുവാങ്ങേണ്ടി വരുന്നുണ്ടെന്നും ഇത് സംബന്ധിച്ച് താന് സെലക്ടര്മാരുമായി ചര്ച്ചയ്ക്ക് ഒരുങ്ങുന്നുണ്ടെന്നും രാഹുല് ദ്രാവിഡ് വ്യക്തമാക്കി.
തങ്ങളുടെ കഴിഞ്ഞ മൂന്ന് എവേ മത്സരങ്ങളിലും ഇന്ത്യന് ടീം സമാനമായ രീതിയിലാണ് പരാജയപ്പെട്ടത്. എഡ്ജ്ബാസ്റ്റണിലാകട്ടേ ഇന്ത്യയ്ക്ക് 378 റൺസാണ് പ്രതിരോധിക്കുവാന് സാധിക്കാതെ പോയത്.
