ഇംഗ്ലണ്ടിനെതിരെ രണ്ടാം ടി20യിൽ ആധികാരിക വിജയവുമായി ഇന്ത്യ. ഇന്ന് നടന്ന മത്സരത്തിൽ ആദ്യം ബാറ്റ് ചെയ്ത ഇന്ത്യ 170/8 എന്ന സ്കോര് നേടിയപ്പോള് ഇംഗ്ലണ്ടിന് നേടാനായത് 121 റൺസ് മാത്രമാണ്.
ഇതോടെ മത്സരത്തിൽ 49 റൺസിന്റെ വിജയം ഇന്ത്യ കരസ്ഥമാക്കി. 35 റൺസ് നേടിയ മോയിന് അലിയാണ് ഇംഗ്ലണ്ടിന്റെ ടോപ് സ്കോറര്. ഡേവിഡ് വില്ലി 33 റൺസുമായി പുറത്താകാതെ അവസാന ഓവറുകളിൽ പൊരുതിയപ്പോള് ഇംഗ്ലണ്ടിന് തോൽവിയുടെ ഭാരം കുറയ്ക്കാനായി.
17 ഓവറിൽ ഇംഗ്ലണ്ട് ഓള്ഔട്ട് ആയപ്പോള് ഇന്ത്യയ്ക്കായി ഭുവനേശ്വര് കുമാര് 3 വിക്കറ്റും യൂസുവേന്ദ്ര ചഹാല്, ജസ്പ്രീത് ബുംറ എന്നിവര് രണ്ട് വീതം വിക്കറ്റും നേടി.