വെസ്റ്റിന്ഡീസിനോട് രണ്ടാം ഏകദിനത്തിൽ പരാജയം ഏറ്റുവാങ്ങിയ ഇന്ത്യ വിരാട് കോഹ്ലിയ്ക്കും രോഹിത് ശര്മ്മയ്ക്കും വിശ്രമം നൽകിയിരുന്നു. ടീം കോമ്പിനേഷനിലെ പരീക്ഷണങ്ങളുമായി ഇന്ത്യ ഇനിയും മുന്നോട്ട് പോകുമെന്നും കൂടുതൽ താരങ്ങള്ക്ക് അവസരം നൽകുന്നതാണ് മത്സര ഫലത്തെക്കാള് വലുതായി താന് കാണുന്നതെന്നും ഇത് വരുന്ന ഏഷ്യ കപ്പിനും ലോകകപ്പിനുമുള്ള കോമ്പിനേഷനെ കണ്ടെത്തുവാനുള്ള ശ്രമത്തിന്റെ ഭാഗമായിട്ടുള്ളതാണെന്നും ദ്രാവിഡ് കൂട്ടിചേര്ത്തു.
ഏഷ്യ കപ്പിന് മുമ്പ് പരീക്ഷണങ്ങള് നടത്തുവാനുള്ള ഇന്ത്യയുടെ അവസാന അവസരമാണ് ഇത്. ചില താരങ്ങള് പരിക്കുമായി എന്സിഎയിലാണെന്നും അവര്ക്കുള്ള പകരക്കാര് ആരെന്നത് കണ്ടെത്തേണ്ടതുണ്ടെന്നും അതിന് അവശേഷിക്കുന്ന സമയം കുറവാണെന്നും ദ്രാവിഡ് സൂചിപ്പിച്ചു.
ഈ അവസരങ്ങള് നൽകുന്ന താരങ്ങളിൽ ചിലര് ഈ റോളുകളിലേക്ക് ഫിറ്റാകുന്നവരാണെന്നും ദ്രാവിഡ് പറഞ്ഞു.