പാകിസ്താൻ ടീമിന്റെ പരാതി പരിഗണിച്ച് അവരുടെ ഹോട്ടൽ ഐ സി സി മാറ്റി നൽകി. ഗ്രൗണ്ടിലേക്ക് 90 മിനിറ്റ് ഡ്രൈവ് ചെയ്ത് പോകാൻ ഉള്ള പ്രശ്നത്തിൽ പാകിസ്താൻ പരാതിപ്പെട്ടിരുന്നു. തുടർന്ന് ഐസിസി പാകിസ്ഥാൻ ടീമിനെ ന്യൂയോർക്കിലെ മറ്റൊരു ഹോട്ടലിലേക്ക് മാറ്റി.
ന്യൂയോർക്കിലെ വെസ്റ്റ്ബറിയിലെ ലോംഗ് ഐലൻഡിലെ സ്റ്റേഡിയത്തിൽ നിന്ന് അഞ്ച് മിനിറ്റ് മാത്രം ദൂരെയുള്ള ഒരു ഹോട്ടലിലേക്ക് ടീമിനെ മാറ്റിയതായി പാകിസ്ഥാൻ ക്രിക്കറ്റ് ബോർഡ് വൃത്തങ്ങൾ അറിയിച്ചു. ഈ ഞായറാഴ്ച ഇന്ത്യയെ നേരിടാനുള്ള ഒരുക്കത്തിലാണ് പാകിസ്താൻ ഇപ്പോൾ.
ന്യൂയോർക്കിൽ മൂന്ന് ഗ്രൂപ്പ് മത്സരങ്ങൾ കളിക്കുന്ന ഇന്ത്യൻ ക്രിക്കറ്റ് ടീം ഗ്രൗണ്ടിൽ നിന്ന് 10 മിനിറ്റ് മാത്രം അകലെയുള്ള ഒരു ഹോട്ടലിലാണ് താമസിക്കുന്നത്.