ശ്രീലങ്കയ്ക്കെതിരെയുള്ള മൂന്ന് ഏകദിനങ്ങളുടെ പരമ്പരയിലെ അവസാന ഏകദിനത്തിൽ റഷീദ് ഖാന് തിരികെ എത്തുമെന്നാണ് പ്രതീക്ഷയെന്ന് പറഞ്ഞ് അഫ്ഗാനിസ്ഥാന് നായകന് ഹസ്മത്തുള്ള ഷഹീദി. പരിക്ക് കാരണം റഷീദ് ഖാനെ ആദ്യ രണ്ട് ഏകദിനങ്ങളിൽ നിന്ന് റൂള് ഔട്ട് ചെയ്യുകയായിരുന്നു. ജൂൺ 2ന് ഹമ്പന്ടോട്ടയിലെ മഹിന്ദ രാജപക്സ അന്താരാഷ്ട്ര സ്റ്റേഡിയത്തിലാണ് ആദ്യ മത്സരം. ജൂൺ 4, 7 തീയ്യതികളിൽ അവസാന രണ്ട് മത്സരങ്ങള് നടക്കും.
പുറംവേദന കാരണം ആണ് താരം ആദ്യ രണ്ട് മത്സരങ്ങളിൽ നിന്ന് പുറത്തിരിക്കുന്നത്. ടീമിന്റെ പ്രധാന ബൗളര് ആണ് റഷീദ് എന്നും അദ്ദേഹത്തിന്റെ അഭാവം കനത്ത തിരിച്ചടിയാണെന്നും ഷഹീദി കൂട്ടിചേര്ത്തു. ഏഷ്യ കപ്പിനും ലോകകപ്പിനും താരത്തിന്റെ സാന്നിദ്ധ്യം ഏറെ പ്രധാനമാണെന്നും അഫ്ഗാന് ക്യാപ്റ്റന് പറഞ്ഞു.