ലോകകപ്പിന് യോഗ്യത നേടാതെ വെസ്റ്റിന്ഡീസ് നേരത്തെ തന്നെ പുറത്തായതിനെത്തുടര്ന്ന് വെസ്റ്റിന്ഡീസ് പേസര്മാരായ ജേസൺ ഹോള്ഡറെയും അൽസാരി ജോസഫിനെയും നേരത്തെ നാട്ടിലേക്ക് തിരികെ വിളിച്ച് വെസ്റ്റിന്ഡീസ് ക്രിക്കറ്റ് ബോര്ഡ്. താരങ്ങളുടെ ഇന്ത്യയ്ക്കെതിരെയുള്ള പരമ്പരയ്ക്ക് മുമ്പ് വര്ക്ക്ലോഡ് മാനേജ് ചെയ്യുന്നതിനായി ആണ് ഈ തീരുമാനം.
സ്കോട്ലാന്ഡിനോട് ഏറ്റ പരാജയത്തോടെ വെസ്റ്റിന്ഡീസ് ടൂര്ണ്ണമെന്റിൽ നിന്ന് പുറത്തായി. ഒമാന്, ശ്രീലങ്ക എന്നിവരോടാണ് ടീമിന്റെ അടുത്ത മത്സരങ്ങളെങ്കിലും മത്സരഫലം കൊണ്ട് ടീമിന് യാതൊരു ഗുണവുമില്ല. അതേ സമയം ജൂലൈ 12 ഇന്ത്യയ്ക്കെതിരെയുള്ള ടെസ്റ്റ് പരമ്പര ആരംഭിയ്ക്കുന്നതും ഈ പരമ്പര ലോക ടെസ്റ്റ് ചാമ്പ്യന്ഷിപ്പ് സൈക്കിളിന്റെ ഭാഗമായത് കൊണ്ടും വെസ്റ്റിന്ഡീസ് ഈ താരങ്ങളെ അതിനായി തയ്യാറെടുപ്പിക്കുക എന്നതിന്റെ ഭാഗമായാണ് തിരിച്ചുവിളിച്ചത്.