ബുലവായോയിലെ രണ്ടാം ടെസ്റ്റിൽ വെസ്റ്റിന്ഡീസിനെതിരെ ബാറ്റിംഗ് തകര്ച്ച നേരിട്ട് സിംബാബ്വേ. ഗുഡകേഷ് മോട്ടി 7 വിക്കറ്റുകള് വീഴ്ത്തിയപ്പോള് വെറും 115 റൺസാണ് സിംബാബ്വേ നേടിയത്.
38 റൺസ് നേടിയ ഇന്നസന്റ് കൈയ ആണ് ടീമിന്റെ ടോപ് സ്കോറര്. ഡൊണാള്ഡ് ടിരിപാനോ 23 റൺസുമായി പുറത്താകാതെ നിന്നപ്പോള് ക്രെയിഗ് ഇര്വിന് 22 റൺസ് നേടി.
വെസ്റ്റിന്ഡീസ് തങ്ങളുടെ ഒന്നാം ഇന്നിംഗ്സിൽ 133/4 എന്ന നിലയില് ആണ് ആദ്യ ദിവസം അവസാനിക്കുമ്പോള്. 53 റൺസ് നേടിയ റെയ്മൺ റീഫറും 36 റൺസ് നേടിയ ടാഗ്നരൈന് ചന്ദര്പോളും ചേര്ന്ന് ടീമിനെ മികച്ച നിലയിലേക്ക് എത്തിക്കുകയായിരുന്നു. 18 റൺസിന്റെ ലീഡാണ് ആദ്യ ദിവസം തന്നെ വെസ്റ്റിന്ഡീസ് നേടിയത്.