മുന് ഇംഗ്ലണ്ട് പേസര് ഗ്രഹാം ഒണിയന്സിനെ തങ്ങളുടെ ബൗളിംഗ് കോച്ചായി നിയമിച്ച് ലങ്കാഷയര്. കഴിഞ്ഞ സീസണില് മെഡിക്കല് കാരണങ്ങളാല് പ്രൊഫഷണല് ക്രിക്കറ്റില് നിന്ന് ഒണിയന്സ് വിരമിക്കുകയായിരുന്നു. ഗ്രഹാം ഫസ്റ്റ് ഇലവന്, സെക്കന്ഡ് ഇലവന് എന്നിവര്ക്കാവും തന്റെ കോച്ചിംഗ് സേവനം നല്കുക.
2009-2012 വരെയുള്ള കാലഘട്ടത്തിലാണ് ഒണിയന്സ് ഇംഗ്ലണ്ടിനെ പ്രതിനിധീകരിച്ചത്. 9 ടെസ്റ്റുകളില് ഇംഗ്ലണ്ട് കുപ്പായം അണിഞ്ഞ ഒണിയന്സ് 32 വിക്കറ്റുകള് നേടിയിട്ടുണ്ട്.
ഇംഗ്ലണ്ട് ക്രിക്കറ്റ് ബോര്ഡിന്റെ ലെവല്-4 കോച്ചാണ് ഒണിയന്സ്. മുഖ്യ കോച്ച് ഗ്ലെന് ചാപ്പല്, സഹ പരിശീലകന് മാര്ക്ക് ചില്ട്ടണ് എന്നിവരോടൊപ്പമാവും ഒണിയന്സ് സഹകരിക്കുക. മുമ്പ് 2018ല് ലങ്കാഷയറിന്റെ ഏജ്-ഗ്രൂപ്പ്, അക്കാഡമി ടീമുകളുടെ കോച്ചിംഗ് ചുമതലകള് ഇദ്ദേഹം വഹിച്ചിട്ടുണ്ട്.