ഓസ്ട്രേലിയ ആണ് ലോക ടെസ്റ്റ് ചാമ്പ്യൻഷിപ്പ് ഫൈനൽ വിജയിക്കാൻ ഫേവറിറ്റുകൾ എങ്കിലും ഇന്ത്യ ഓസ്ട്രേലിയയെ തോൽപ്പിക്കാൻ ആണ് താൻ ആഗ്രഹിക്കുന്നത് എന്ന് മുൻ ഇംഗ്ലണ്ട് സ്പിന്നർ ഗ്രെയിം സ്വാൻ. നാളെ ഓവലിൽ നടക്കുന്ന ഫൈനലിനു മുന്നോടിയായി ജിയോ സിനിമയിൽ സംസാരിക്കുകയായിരുന്നു സ്വാൻ.
“ആരാണ് ഫേവറിറ്റുകൾ എന്ന് ഉത്തരം നൽകുന്നത് ബുദ്ധിമുട്ടുള്ള കാര്യമാണ്. ഓസ്ട്രേലിയയുടെ പേസ് ആക്രമണം അവരെ ഫേവറിറ്റുകൾ ആക്കുന്നു എന്ന് ഞാൻ കരുതുന്നു.” സ്വാൻ പറഞ്ഞു
“എങ്കിലും ഇന്ത്യയ്ക്കും മിടുക്കരായ സീം ബൗളർമാർ ഉണ്ട്. അതിനാൽ ഉത്തരം നൽകുന്നത് ബുദ്ധിമുട്ടാണെന്ന് ഞാൻ കരുതുന്നു. കളിയെക്കുറിച്ചുള്ള എന്റെ പ്രവചനം ഇതാണ് – ഞാൻ ഒരു ഇംഗ്ലീഷുകാരനാണ്, ഇന്ത്യ ഓസ്ട്രേലിയയെ തോൽപ്പിക്കുന്നത് കാണാൻ ഞാൻ ആഗ്രഹിക്കുന്നു.” സ്വാൻ പറഞ്ഞു.