നൈറ്റ്സിനെതിരെ തകര്‍ന്നടിഞ്ഞ് നാഷണല്‍സ്

ഗ്ലോബല്‍ ടി20 കാനഡയില്‍ മോശം ഫോം തുടര്‍ന്ന് ടൊറോണ്ടോ നാഷണല്‍സ്. രണ്ടാം റൗണ്ട് മത്സരങ്ങളില്‍ 17ാം മത്സരത്തില്‍ വാന്‍കോവര്‍ നൈറ്റ്സിനെതിരെയാണ് നാഷണല്‍സ് തോല്‍വിയേറ്റു വാങ്ങിയത്. ടോസ് നേടിയ വാന്‍കോവര്‍ നായകന്‍ ക്രിസ് ഗെയില്‍ നാഷണല്‍സിനെ ബാറ്റിംഗനയയ്ക്കുകയായിരുന്നു. എന്നാല്‍ 16.5 ഓവറില്‍ ടൊറോണ്ടോ 103 റണ്‍സിനു ഓള്‍ഔട്ട് ആവുകയായിരുന്നു. 35 റണ്‍സ് നേടിയ സ്റ്റീവ് സ്മിത്ത് ടോപ് സ്കോറര്‍ ആയപ്പോള്‍ ഡാരെന്‍ സാമി വീണ്ടും ഒരറ്റത്ത് പൊരുതി നോക്കി. 23 പന്തില്‍ നിന്ന് 29 റണ്‍സാണ് നായകന്‍ സാമിയുടെ സംഭാവന.

റസ്സല്‍, ഫവദ് അഹമ്മദ് എന്നിവര്‍ മൂന്ന് വിക്കറ്റ് നേടിയപ്പോള്‍ സാദ് ബിന്‍ സഫര്‍(2), ടിം സൗത്തി, ഷെല്‍ഡണ്‍ കോട്രെല്‍ എന്നിവര്‍ നൈറ്റ്സിനായി വിക്കറ്റുകള്‍ നേടി.

12.3 ഓവറില്‍ 2 വിക്കറ്റ് നഷ്ടത്തില്‍ വിജയം സ്വന്തമാക്കി നൈറ്റ്സിനായി അര്‍ദ്ധ ശതകവുമായി ചാഡ്വിക് വാള്‍ട്ടണ്‍ ടോപ് സ്കോറര്‍ ആയി. 36 പന്തില്‍ 54 റണ്‍സ് നേടി വാള്‍ട്ടണ്‍ പുറത്താകാതെ നിന്നപ്പോള്‍ ബെന്‍ ഡങ്ക് 24 റണ്‍സ് നേടി. ആന്‍ഡ്രേ റസ്സല്‍ ആണ് കളിയിലെ താരം.

കൂടുതൽ കായിക വാർത്തകൾക്ക് : www.facebook.com/FanportOfficial