ചട്ടോഗ്രാമിൽ ഇന്ത്യയുടെ ലീഡ് നാനൂറിനടുത്തെത്തി. മൂന്നാം ദിവസം ചായയ്ക്കായി ടീമുകള് പിരിയുമ്പോള് ഇന്ത്യ രണ്ടാം ഇന്നിംഗ്സിൽ 140/1 എന്ന നിലയിലാണ്. 80 റൺസുമായി ശുഭ്മന് ഗില്ലും 33 റൺസ് നേടി ചേതേശ്വര് പുജാരയും ആണ് ക്രീസിലുള്ളത്.
23 റൺസ് നേടിയ കെഎൽ രാഹുലിന്റെ വിക്കറ്റാണ് ഇന്ന് ഇന്ത്യയ്ക്ക് നഷ്ടമായത്. നേരത്തെ ബംഗ്ലാദേശിന്റെ ഒന്നാം ഇന്നിംഗ്സ് വെറും 150 റൺസിലൊതുക്കി ഇന്ത്യ 254 റൺസിന്റെ ലീഡ് നേടിയിരുന്നു. ഫോളോ ഓൺ ആവശ്യപ്പെടാതെ ഇന്ത്യ ബാറ്റിംഗ് തിരഞ്ഞെടുക്കുകയായിരുന്നു.