മൂന്നാം ടെസ്റ്റിൽ കെ എൽ രാഹുൽ ഉണ്ടാകില്ല എന്ന് സൂചന. നല്ല ഫോമിൽ ഉള്ള ശുഭ്മാൻ ഗിൽ ഓപ്പണറായി എത്തും എന്ന് റിപ്പോർട്ടുകൾ വരുന്നു. കെ എൽ രാഹുലിന് ആദ്യ രണ്ട് ടെസ്റ്റിലും തിളങ്ങാൻ ആയിരുന്നില്ല. രണ്ട് ടെസ്റ്റിൽ മാത്രമല്ല രാഹുൽ സമീപ കാലത്തായി ഫോമിലേ അല്ല. അതുകൊണ്ട് തന്നെ താരം ഏറെ വിമർശനങ്ങൾ നേരിടുന്നുമുണ്ട്. രാഹുലിന്റെ സാന്നിദ്ധ്യം കൊണ്ട് തന്നെ ഇന്ത്യക്ക് ഒരു ഇന്നിങ്സിലും നല്ല തുടക്കം ലഭിക്കുന്നുമില്ല.
ഗിൽ ആകട്ടെ സമീപകാലത്ത് മികച്ച ഫോമിൽ ആണ്. വൈറ്റ് ബോളിൽ ഇന്ത്യക്കായി ഗംഭീരമായി സ്കോർ ചെയ്യുന്ന ഗിൽ ടെസ്റ്റിലും ആ മികവ് തുടരും എന്നാണ് പ്രതീക്ഷ. മാർച്ച് 1ആം തീയതിയാണ് മൂന്നാം ടെസ്റ്റ് ആരംഭിക്കുക. ഇന്ത്യ ഇപ്പോൾ പരമ്പരയിൽ 2-0ന് മുന്നിലാണ്.