ഗംഭീറിനെതിരെ രൂക്ഷ വിമർശനവുമായി ശ്രീശാന്തിന്റെ ഭാര്യ ഭുവനേശ്വരി ശ്രീശാന്ത്. ലെജൻഡ്സ് ലീഗ് ക്രിക്കറ്റിൽ ബുധനാഴ്ച നടന്ന മത്സരത്തിനിടെ ഗൗതം ഗംഭീർ തന്റെ ഭർത്താവിനെ ഫിക്സർ എന്ന് വിളിച്ചതിനെതിരെയാണ് ഇൻസ്റ്റഗ്രാമിലൂടെ ഭുവനേശ്വരി ശക്തമായി പ്രതികരിച്ചത്.
വിഡിയോയോട് പ്രതികരിച്ചുകൊണ്ട് ഭുവനേശ്വരി എഴുതി, “ഏറെ വർഷങ്ങളായി തന്നോടൊപ്പം ഇന്ത്യയ്ക്കായി കളിച്ച ഒരു കളിക്കാരന് ഈ നിലയിലേക്ക് തരംതാഴാൻ കഴിയുമെന്ന് ശ്രീയിൽ നിന്ന് കേൾക്കുന്നത് ഞെട്ടിപ്പിക്കുന്നതാണ്.”
“സജീവ ക്രിക്കറ്റിൽ നിന്ന് വിരമിച്ചിട്ട് വർഷങ്ങൾക്ക് ശേഷവും ഇങ്ങനെ പെരുമാറുന്നത് ഗംഭീറിന്റെ വളർത്തു ദോഷമാണ് കാണിക്കുന്നത് ഇത്തരത്തിലുള്ള പെരുമാറ്റം ശരിക്കും ഞെട്ടിക്കുന്നതാണ്,” അവർ കമന്റായി കുറിച്ചു. ഇൻസ്റ്റഗ്രാം സ്റ്റോറികളിലൂടെയും അവർ ഗംഭീറിനെതിരായ തന്റെ നിലപാടുകൾ വ്യക്തമാക്കി