കേപ് ടൗണില് ഇന്ത്യയ്ക്ക് 72 റണ്സ് തോല്വി പിണഞ്ഞുവെങ്കിലും ടീം സെഞ്ചൂറിയണില് തിരിച്ചു വരുമെന്ന് അഭിപ്രായപ്പെട്ട് ദക്ഷിണാഫ്രിക്കന് നായകന് ഫാഫ് ഡു പ്ലെസി. നാളെ ആരംഭിക്കുന്ന രണ്ടാം ടെസ്റ്റില് ഇന്ത്യയെ ഒരു തരത്തിലും വില കുറച്ച് കാണുന്നില്ല എന്നാണ് ഡു പ്ലെസി അഭിപ്രായപ്പെട്ടത്. ഇന്ത്യ ശക്തമായ ടീമാണ്, ലോക ഒന്നാം നമ്പര് സ്ഥാനത്ത് നില്ക്കുന്ന ടീമില് നിന്ന് ശക്തമായ മറുപടിയാണ് ദക്ഷിണാഫ്രിക്ക പ്രതീക്ഷിക്കുന്നത്. കേപ് ടൗണിലേതിനു സമാനമായ പിച്ചാവും സെഞ്ചൂറിയണിലുമെന്ന് പറഞ്ഞ ഫാഫ് രണ്ടാം ടെസ്റ്റിലും നാല് പേസ് ബൗളര്മാരുമായാവും ദക്ഷിണാഫ്രിക്ക ഇറങ്ങുക എന്ന സൂചനയാണ് നല്കുന്നത്. പേസും ബൗണ്സുമുള്ള പിച്ചാണ് ദക്ഷിണാഫ്രിക്കന് ടീം മാനേജ്മെന്റ് ക്യുറേറ്റടോ് ആവശ്യപ്പെട്ടിരിക്കുന്നതെന്നും ദക്ഷിണാഫ്രിക്കന് നായകന് പറഞ്ഞു.
കഴിഞ്ഞ ടീമിലെ ടീം ആണ് ദക്ഷിണാഫ്രിക്കയുടെ ഏറ്റവും മികച്ച ടീമെന്നും ഡെയില് സ്റ്റെയിനിന്റെ അഭാവത്തില് ലുംഗി ഗിഡി ആവും നാലാം പേസറെന്നാണ് പുറത്ത് വരുന്ന സൂചനകള്. ഗിഡിയ്ക്ക് പകരം ചിലപ്പോള് ക്രിസ് മോറിസിനെ ഉള്പ്പെടുത്താനും സാധ്യതയുണ്ടെന്നാണ് ഫാഫ് പറഞ്ഞത്. രണ്ടാം മത്സരം ജയിച്ച് പരമ്പര സ്വന്തമാക്കുകയാണ് ദക്ഷിണാഫ്രിക്കയുടെ ലക്ഷ്യം. ഇന്ത്യയെ പരമ്പരയില് തിരിച്ചുവരവിനു അവസരം നല്കുകയാണെങ്കില് അവര് കൂടുതല് അപകടകാരികളാകുമെന്നും ദക്ഷിണാഫ്രിക്കന് നായകന് പറഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial
