മാഞ്ചസ്റ്റര് ടെസ്റ്റില് ഉച്ച ഭക്ഷണത്തിന് തൊട്ടുമുമ്പ് വിക്കറ്റ് നഷ്ടമായി ഇംഗ്ലണ്ട്. സ്കോര് 29ല് നില്ക്കവെയാണ് ഓപ്പണര് റോറി ബേണ്സിനെ ഇംഗ്ലണ്ടിന് നഷ്ടമായത്. റോസ്ടണ് ചേസ് ആണ് താരത്തെ വിക്കറ്റിന് മുന്നില് കുടുക്കിയത്. 15 റണ്സാണ് ബേണ്സ് നേടിയത്.
നേരത്തെ മത്സരത്തിലെ ടോസ് ജേസണ് ഹോള്ഡര് നേടി ബൗളിംഗ് തിരഞ്ഞെടുക്കുകയായിരുന്നു. മഴ മൂലം ടോസ് വൈകിയാണ് നടന്നത്. മത്സരം ആരംഭിച്ച് ഒരു മണിക്കൂറിന് ശേഷം ലഞ്ച് ഉണ്ടാകുമെന്ന് നേരത്തെ തീരുമാനിച്ചിരുന്നതാണ്. ലഞ്ചിന് മുമ്പത്തെ അവസാനത്തെ ഓവറിലാണ് ഇംഗ്ലണ്ടിന് വിക്കറ്റ് കൈമോശം വന്നത്.
അതെ സമയം ന്യൂബോളില് വലിയ നേട്ടം കൊയ്യുവാന് വിന്ഡീസ് പേസര്മാര്ക്ക് ആയിരുന്നില്ല. തന്റെ ആദ്യ ഓവര് എറിയാനെത്തിയ റോസ്ടണ് ചേസ് ആണ് വിക്കറ്റ് നേടിയത്.