അടുത്ത വർഷം തുടക്കത്തിൽ ഇന്ത്യയിൽ പര്യടനം നടത്തുന്ന ഇംഗ്ലണ്ട് ടീമിനെതിരായ ഇന്ത്യയുടെ മത്സരങ്ങൾ കാണികൾക്ക് മുൻപിൽ നടത്താൻ ശ്രമം. ഇന്ത്യയുടെ ബോക്സിങ് ഡേ ടെസ്റ്റിൽ കാണികളെ ഉൾപെടുത്തിയതുപോലെ കാണികളെ ഉൾപ്പെടുത്തി മത്സരം നടത്താനാണ് ശ്രമം നടക്കുന്നത്.
ഇത് പ്രകാരം 50% കാണികളെ മത്സരങ്ങൾക്ക് അനുവദിക്കാനാണ് നീക്കം നടക്കുന്നത്. എന്നാൽ ഇന്ത്യയുടെ ഈ ശ്രമത്തിന് ഇംഗ്ലീഷ് ക്രിക്കറ്റ് ബോർഡ് ഇതുവരെ അംഗീകാരം നൽകിയിട്ടില്ല. ഇംഗ്ലീഷ് ക്രിക്കറ്റ് ബോർഡുമായി ചർച്ചകൾ നടത്തിയതിന് ശേഷം മാത്രമാവും ഈ കാര്യത്തിൽ അന്തിമ തീരുമാനം ഉണ്ടാവുക. കൂടാതെ മത്സരം നടക്കുന്ന തമിഴ്നാട്, ഗുജറാത്ത്, മഹാരാഷ്ട്ര സർക്കാരുകളുടെ അനുമതിയും ഇതിന് വേണം.
ജനുവരി 26ന് ഇന്ത്യയിൽ എത്തുന്ന ഇംഗ്ലണ്ട് ഇന്ത്യൻ പര്യടനത്തിൽ 2 ടെസ്റ്റ് മത്സരങ്ങളും അഞ്ച് ടി20 മത്സരങ്ങളും മൂന്ന് ഏകദിന മത്സരങ്ങളും കളിക്കും. ചെന്നൈയിൽ വെച്ച് രണ്ട് ടെസ്റ്റ് മത്സരങ്ങൾ കളിക്കുന്ന ഇംഗ്ലണ്ട് 5 ടി20 മത്സരങ്ങളും അഹമ്മദാബാദിലെ സ്റ്റേഡിയത്തിൽ വെച്ചാണ് കളിക്കുക. ഏകദിന മത്സരങ്ങൾ നടക്കുന്നത് പൂനെ വെച്ചാണ്.