ഇംഗ്ലണ്ടും ഇന്ത്യയും തമ്മിലുള്ള ആദ്യ ടെസ്റ്റ് ലഞ്ചിന് പിരിയുമ്പോൾ ഇംഗ്ലണ്ട് 108/3 എന്ന നിലയിൽ. മികച്ച രീതിയിൽ ആദ്യ ഓവറുകളിൽ ബാറ്റു ചെയ്യാൻ ഇംഗ്ലണ്ടിനായിരുന്നു. എന്നാൽ സ്പിൻ വന്നതോടെ അവർ പരുങ്ങലിലായി. 55/0 എന്ന നിലയിൽ ആയിരുന്ന അവർ 60/3 എന്നാകുന്നത് കാണാൻ ആയി.രവിചന്ദ്ര അശ്വിൻ 2 വിക്കറ്റും ജഡേജ 1 വിക്കറ്റും നേടി.
20 റൺസ് എടുത്ത സാക് ക്രോളിയുടെയും 35 റൺസ് എടുത്ത ഡക്കറ്റിന്റെയും വിക്കറ്റും അശ്വിൻ വീഴ്ത്തി. അശ്വിന്റെ ലോക ടെസ്റ്റ് ചാമ്പ്യൻഷിപ്പിലെ 150ആം വിക്കറ്റായി ഇത് മാറി. ജഡേജ 1 റൺ എടുത്ത ഒലി പോപിനെയും പുറത്താക്കി. ഇപ്പോൾ 18 റണ്ണുമായി റൂട്ടും 32 റണ്ണുമായി ബെയർസ്റ്റോയും ആണ് ക്രീസിൽ ഉള്ളത്.