ഐപിഎല് രീതിയിലുള്ള പുതിയ ടി20 ലീഗിന്റെ പ്രഖ്യാപനം നടത്തി എമിറേറ്റ്സ് ക്രിക്കറ്റ് ബോര്ഡ്. 2021-22 ഡിസംബര് – ജനുവരി മാസങ്ങളിലായാണ് ലീഗ് നടത്തുക എന്ന് ബോര്ഡ് അറിയിച്ചു. ആറ് ടീമുകള് ആവും ലീഗിലുണ്ടാകുക.
ഇന്ത്യയുള്പ്പെടെ വിവിധ ക്രിക്കറ്റിംഗ് രാജ്യങ്ങളില് നിന്ന് ഫ്രാഞ്ചൈസിയ്ക്കായി താല്പര്യം വന്നിട്ടുണ്ടെന്നാണ് ബോര്ഡ് അറിയിച്ചത്. ചില ഐപില് ടീമുകള്, ബോളിവുഡ് താരങ്ങള്, ഇന്ത്യന് ബിസിനസ്സുകാര് എന്നിവരും ഇതില് ഉള്പ്പെടുന്നുവെന്നാണ് അറിയുന്നത്.
ഒരു മാസത്തിനുള്ളില് ഫ്രാഞ്ചൈസികളുടെ കാര്യത്തില് തീരുമാനമാകുമെന്നാണ് എമിറേറ്റ്സ് ക്രിക്കറ്റ് ബോര്ഡ് അധികാരികള് പറയുന്നത്.