സമീപകാലത്ത് മോശം ഫോമിൽ ഉള്ള ശുഭ്മാൻ ഗില്ലിനെ ഓർത്ത് ആശങ്ക ഇല്ല എന്ന് ഇന്ത്യൻ പരിശീലകൻ രാഹുൽ ദ്രാവിഡ്. ഇന്ത്യയുടെ മൂന്ന് ഫോർമാറ്റുകളിലും ഗിൽ ഒരു പ്രധാന ഘടകമാണെന്നും യുവതാരത്തിന് അടുത്ത മത്സരത്തിൽ തന്നെ മികച്ച ഇന്നിങ്സ് കാഴ്ചവെക്കാൻ ആകുമെന്ന് പ്രതീക്ഷിക്കുന്നതായും ദ്രാവിഡ് പറഞ്ഞു.
ശുഭ്മാനെ കുറിച്ച് ആലോചിച്ച് ഞാൻ അധികം വിഷമിക്കില്ല. അവൻ മനോഹരമായി ബാറ്റ് ചെയ്യുന്നു. അവൻ നന്നായി കളിക്കുന്നുണ്ട്. ദ്രാവിഡ് പറഞ്ഞു. അവൻ ശരിക്കും നല്ല ടച്ചിൽ തന്നെയാണ്. ഇത് ആർക്കും സംഭവിക്കാം. ഓരോ കളിക്കു ശേഷവും നിങ്ങൾക്ക് കളിക്കാരെ വിമർശിക്കാൻ കഴിയില്ല. ഈ കാര്യങ്ങൾ സംഭവിക്കാം. ദ്രാവുഡ് തുടർന്നു.
“വെസ്റ്റിൻഡീസിലെ സാഹചര്യങ്ങൾ കഠിനമാണ്, ഇത് എളുപ്പമുള്ള ബാറ്റിംഗ് സാഹചര്യമല്ല. ശുഭ്മാൻ നന്നായി ബാറ്റ് ചെയ്യുന്നുണ്ട്. ഞങ്ങൾക്ക് മൂന്ന് ഫോർമാറ്റുകളിലും അദ്ദേഹം വളരെ പ്രധാനപ്പെട്ട ഭാഗമാണ്. ട്രിനിഡാഡിൽ അദ്ദേഹൻ മികച്ച കളി പുറത്തെടുക്കുമെന്ന് പ്രതീക്ഷിക്കാം.” ദ്രാവിഡ് കൂട്ടിച്ചേർത്തു.