ഇംഗ്ലണ്ടിനോട് മാഞ്ചസ്റ്ററില് ഏറ്റ പരാജയം ഏറ്റവും നിരാശ നല്കുന്ന ഫലമെന്ന് പറഞ്ഞ് ജേസണ് ഹോള്ഡര്. ടീം സ്വയം മത്സരം കൈവിടുകയായിരുന്നുവെന്ന് വെസ്റ്റിന്ഡീസ് നായകന് വ്യക്തമാക്കി. ആദ്യ ഇന്നിംഗ്സില് മികച്ച ബാറ്റിംഗ് സ്ഥാനത്ത് നിന്ന് പിന്നീട് വിക്കറ്റുകള് കൈവിട്ടതാണ് മത്സരം അടിയറവ് പറയുവാന് കാരണമായി ജേസണ് ഹോള്ഡര് അഭിപ്രായപ്പെട്ടത്.
ഇന്നിംഗ്സ് തീര്ച്ചയായും തങ്ങള്ക്ക് നാലാം ദിവസം നീട്ടിക്കൊണ്ടു പോകുവാനുള്ള സാഹചര്യമുണ്ടായിരുന്നുവെങ്കിലും ടീം സ്വയം അത് കൈവിടുകയായിരുന്നുവെന്ന് ഹോള്ഡര് വ്യക്തമാക്കി. തുടരെ വിക്കറ്റുകള് നഷ്ടപ്പെടുത്തി ടീം സ്വയം വിഷമ സാഹചര്യം സൃഷ്ടിക്കുകയായിരുന്നുവെന്ന് ജേസണ് ഹോള്ഡര് അഭിപ്രായപ്പെട്ടു.