മുൻ ഇന്ത്യൻ ക്യാപ്റ്റൻ മഹേന്ദ്ര സിംഗ് പൂർണമായും ഫിറ്റ് ആണെങ്കിൽ ഇന്ത്യക്ക് വേണ്ടി വീണ്ടും കളിക്കണമെന്ന് ഇന്ത്യൻ വൈസ് ക്യാപ്റ്റൻ രോഹിത് ശർമ്മ. ഇൻസ്റ്റാഗ്രാം ലൈവിൽ മുൻ ഇന്ത്യൻ താരം സുരേഷ് റെയ്നയുമായി സംസാരിക്കുകയായിരുന്നു രോഹിത് ശർമ്മ.
ചെന്നൈ സൂപ്പർ കിങ്സിന്റെ പരിശീലന ക്യാമ്പിൽ ധോണി മികച്ച ഫോമിലായിരുന്നുവെന്ന് സുരേഷ് റെയ്ന പറഞ്ഞതിന് ശേഷമാണ് ധോണി പൂർണ്ണമായും ഫിറ്റ് ആണെങ്കിൽ ഇന്ത്യക്ക് വേണ്ടി കളിക്കണമെന്ന് രോഹിത് ശർമ്മ പറഞ്ഞത്. ചെന്നൈ സൂപ്പർ കിങ്സിന്റെ ക്യാമ്പിൽ നടത്തിയ പരിശീലന മത്സരത്തിൽ 91 പന്തിൽ നിന്ന് ധോണി 123റൺസ് എടുത്ത കാര്യവും സുരേഷ് റെയ്ന ഓർമിപ്പിച്ചു.
അതെ സമയം ധോണിയുടെ ഭാവി പരിപാടികൾ എന്താണെന്ന് ധോണിക്ക് മാത്രമേ അറിയുമെന്നും ഇരു താരങ്ങളും അഭിപ്രായപ്പെട്ടു. കഴിഞ്ഞ വർഷം നടന്ന ലോകകപ്പിൽ ന്യൂസിലാൻഡിനോട് തോറ്റ് ഇന്ത്യ പുറത്തായതിൽ പിന്നെ ധോണി ഇന്ത്യക്ക് വേണ്ടി കളിച്ചിട്ടില്ല.