ഈ ഐ പി എല്ലിൽ ഗംഭീര ഫോമിൽ കളിക്കുന്ന ധോണിയെ ടി20 ലോകകപ്പ് സ്ക്വാഡിലേക്ക് വരാൻ സമ്മതിപ്പിക്കാൻ പാടാണെന്ന് ഇന്ത്യൻ ക്യാപ്റ്റൻ രോഹിത് ശർമ്മ. യൂട്യൂബ് ചാനലായ Club Prairie Fire-ൽ സംസാരിക്കവെ ആണ് രോഹിത് നർമ്മത്തിൽ ധോണിയെ കുറിച്ച് സംസാരിച്ചത്. മികച്ച ഫോമിൽ ഉള്ള ധോണിയെയും ദിനേഷ് കാർത്തികിനെയും ടി20 ലോകകപ്പിൽ വിക്കറ്റ് കീപ്പറായി അമേരിക്കയിലേക്ക് കൊണ്ടു പോകുമോ എന്ന ഗിൽക്രിസ്റ്റിന്റെ ചോദ്യത്തിന് മറുപടി പറയുക ആയിരുന്നു രോഹിത് ശർമ്മ.
ധോണിയെ അമേരിക്കയിലേക്ക് വരാൻ സമ്മതിപ്പിക്കുക പ്രയാസമായിരിക്കും എന്ന് രോഹിത് പറഞ്ഞു. ധോണി മുംബൈ ഇന്ത്യൻസിന് എതിരെ കളിച്ച ഇന്നിംഗ്സ് അവിശ്വസനീയമായിരുന്നു. വെറും നാല് പന്ത് മാത്രം വാറ്റു ചെയ്ത് കളിയിൽ വലിയ സ്വാധീനം ചെലുത്താ അദ്ദേഹത്തിനായി. രോഹിത് ശർമ്മ പറഞ്ഞു.
എന്നാൽ ധോണിയെ ലോകകപ്പിനു കൊണ്ടുപോകാൻ സമ്മതിപ്പിക്കുക പ്രയാസമാകും എന്ന് രോഹിത് പറഞ്ഞു. ധോണി അമേരിക്കയിലേക്ക് വരും എന്നും അത് അദ്ദേഹത്തിന്റെ പുതിയ താല്പര്യമായ ഗോൾഫ് കളിക്കാൻ ആയിരിക്കും എന്നു. രോഹിത് പറഞ്ഞു.
ദിനേഷ് കാർത്തികിന്റെ ഫോമൊനെയും രോഹിത് പ്രശംസിച്ചു. കാർത്തികിന്റെ അവസാന രണ്ട് ഇന്നിംഗ്സുകൾ അവിസ്മരണീയമായിരുന്നു എന്ന് രോഹിത് പറഞ്ഞു.