ഇന്ത്യയ്ക്കെതിരെ ഒക്ടോബറില് ആരംഭിക്കുന്ന രണ്ട് ടെസ്റ്റ് മത്സരങ്ങളുടെ പരമ്പരയിലേക്കുള്ള ടീമില് നിന്ന് ഡെവണ് സ്മിത്തിനെ ഒഴിവാക്കി വിന്ഡീസ്. 15 അംഗ സ്ക്വാഡിലേക്ക് സ്മിത്തിനു പകരം സുനില് അംബ്രിസ് തിരികെ മടങ്ങിയെത്തുന്നു. മടങ്ങി വരവില് സ്മിത്ത് 9 ഇന്നിംഗ്സുകളില് നിന്ന് രണ്ട് അര്ദ്ധ ശതകങ്ങള് നേടിയിരുന്നുവെങ്കിലും മറ്റു ഇന്നിംഗ്സുകളില് അഞ്ചെണ്ണത്തില് താരം ഒറ്റയക്കത്തിനു പുറത്താകുകയായിരുന്നു.
സ്ക്വാഡ്: ജേസണ് ഹോള്ഡര്, സുനില് അംബ്രിസ്, ദേവേന്ദ്ര ബിഷൂ, ക്രെയിഗ് ബ്രാത്വൈറ്റ്, റോഷ്ടണ് ചേസ്, ഷെയിന് ഡോവ്റിച്ച്, ഷാനണ് ഗബ്രിയേല്, ജാഹ്മര് ഹാമിള്ട്ടണ്, ഷിമ്രണ് ഹെറ്റ്മ്യര്, ഷായി ഹോപ്, അല്സാരി ജോസഫ്, കീമോ പോള്, കീറണ് പവല്, കെമര് റോച്ച്, ജോമെല് വാരിക്കന്
ദേവേന്ദ്ര ബിഷുവിനു കൂട്ടായി ജോമെല് വാരിക്കന് സ്പിന് ഡിപ്പാര്ട്മെന്റിലേക്ക് എത്തുന്നതും ടീമിനു ഗുണകരമാകുമെന്ന് കരുതുന്നു. ഇന്ത്യന് പര്യടനത്തില് വിന്ഡീസ് രണ്ട് ടെസ്റ്റുകളും അഞ്ച് ഏകദിനങ്ങളും മൂന്ന് ടി20 മത്സരങ്ങളുമാണ് കളിക്കുന്നത്.