സെയിന്റ് കിറ്റ്സ് ആന്‍ഡ് നെവിസ് പാട്രിയറ്റ്സിനെതിരെ 6 വിക്കറ്റ് വിജയം നേടി സെയിന്റ് ലൂസിയ സൂക്ക്സ്. ഇന്ന് 110 റണ്‍സിന് എതിരാളികളെ എറിഞ്ഞ് പിടിച്ച ശേഷം ലക്ഷ്യം 14.4 ഓവറില്‍ 4 വിക്കറ്റ് നഷ്ടത്തിലാണ് സൂക്ക്സ് മറികടന്നത്. റഖീം കോണ്‍വാല്‍(26) ആന്‍ഡ്രേ ഫ്ലെച്ചര്‍(16), റോസ്ടണ്‍ ചേസ്(27), നജീബുള്ള സദ്രാന്‍(33) എന്നിവരുടെ ബാറ്റിംഗ് പ്രകടനമാണ് ടീമിന് അനായാസ വിജയം നല്‍കിയത്.
നേരത്തെ മുഹമ്മദ് നബിയുടെ അഞ്ച് വിക്കറ്റ് നേട്ടമാണ് പാട്രിയറ്റ്സിന്റെ താളം തെറ്റിച്ചത്. തന്റെ നാലോവറില്‍ വെറും 15 റണ്‍സ് വിട്ട് നല്‍കിയാണ് നബി പാട്രിയറ്റ്സിനെ മുട്ടുകുത്തിച്ചത്.
