ചാമ്പ്യന്മാരുടെ തുടക്കം തോല്‍വിയോട്, 2019 ക്വാളിഫയറിന് ശേഷം ട്രിന്‍ബാഗോയ്ക്ക് ആദ്യ തോല്‍വി

Guyanatrinbago

കരീബിയന്‍ പ്രീമിയര്‍ ലീഗ് ചാമ്പ്യന്മാരായ ട്രിന്‍ബാഗോ നൈറ്റ് റൈഡേഴ്സിന് തോല്‍വിയോടെ തുടക്കം. കഴിഞ്ഞ തവണ 12 മത്സരങ്ങളും വിജയിച്ച് കിരീടം നേടിയ ടീം ഇന്ന് ഗയാന ആമസോൺ വാരിയേഴ്സിനോട് തോല്‍വിയേറ്റ് വാങ്ങുകയായിരുന്നു.

ആദ്യ ബാറ്റ് ചെയ്ത ഗയാന 142/7 എന്ന സ്കോര്‍ നേടിയപ്പോള്‍ ട്രിന്‍ബാഗോ നൈറ്റ് റൈഡേഴ്സിന് 133/9 എന്ന സ്കോര്‍ ആണ് നേടാനായത്. 9 റൺസിന്റെ വിജയം ആണ് ഗയാന നേടിയത്.

ഗയാനയ്ക്ക് വേണ്ടി ഷിമ്രൺ ഹെറ്റ്മ്യര്‍ 41 പന്തിൽ 54 റൺസ് നേടിയപ്പോള്‍ സുനില്‍ നരൈന്‍, അകീൽ ഹൊസൈന്‍ എന്നിവര്‍ ട്രിന്‍ബാഗോയ്ക്ക് വേണ്ടി 2 വീതം വിക്കറ്റ് നേടി.

മറുപടി ബാറ്റിംഗിനിറങ്ങിയ ട്രിന്‍ബാഗോയ്ക്ക് വേണ്ടി ദിനേശ് രാംദിന്‍ 28 റൺസുമായി ടോപ് സ്കോറര്‍ ആയപ്പോള്‍ 12 പന്തിൽ 22 റൺസ് നേടിയ അകീൽ ഹൊസൈന്‍ പൊരുതി നോക്കി. സുനില്‍ നരൈന്‍ 20 റൺസും ടിം സീഫെര്‍ട്ട് 23 റൺസും നേടി.

3 വിക്കറ്റ് നേടി റൊമാരിയോ ഷെപ്പേര്‍ഡ്, രണ്ട് വീതം വിക്കറ്റുമായി ഇമ്രാന്‍ താഹിര്‍, ഒഡീയന്‍ സ്മിത്ത് എന്നിവര്‍ ഗയാനയുടെ ബൗളര്‍മാരിൽ തിളങ്ങി.

Previous articleയുവേഫയുടെ മികച്ച താരമായി ജോർഗീഞ്ഞോ, പരിശീലകൻ തോമസ് ടൂഹൽ
Next articleമാഞ്ചസ്റ്റർ സിറ്റിയിലേക്ക് പോയാലും മാഞ്ചസ്റ്റർ യുണൈറ്റഡ് ആരാധകരുടെ റൊണാൾഡോ സ്നേഹം തുടരുമോ!!