ആദ്യ സെമിയില്‍ ട്രിന്‍ബാഗോയ്ക്ക് ടോസ്, ബൗളിംഗ് തിരഞ്ഞെടുത്തു

- Advertisement -

ജമൈക്ക തല്ലാവാസിനെതിരെ ഇന്നത്തെ മത്സരത്തില്‍ ബൗളിംഗ് തിരഞ്ഞെടുത്ത് ട്രിന്‍ബാഗോ നൈറ്റ് റൈഡേഴ്സ് നായകന്‍ കീറണ്‍ പൊള്ളാര്‍ഡ്. സുനില്‍ നരൈന്‍, ഡാരെന്‍ ബ്രാവോ, ലെന്‍ഡല്‍ സിമ്മണ്‍സ് എന്നിവെല്ലാം തിരികെ വരുന്നു എന്നതാണ് ട്രിന്‍ബാഗോ നിരയിലെ പ്രത്യേകത. ഇതുവരെ ടൂര്‍ണ്ണമെന്റില്‍ പരാജയമറിയാത്ത ഏക ടീം കൂടിയാണ് ട്രിന്‍ബാഗോ നൈറ്റ് റൈഡേഴ്സ്.

നാലാം സ്ഥാനക്കാരാണെങ്കിലും ജമൈക്കയുടെ നിരയില്‍ വമ്പന്‍ താരങ്ങളാണ് നിലകൊള്ളുന്നത്. അതിനാല്‍ തന്നെ ഒരു അട്ടിമറിയ്ക്ക് ടീമിന് ഇനിയും സാധിക്കുമെന്നാണ് അവര്‍ വിശ്വസിക്കുന്നത്. ടൂര്‍ണ്ണമെന്റില്‍ ഇതുവരെ സ്ഥിരതയാര്‍ന്ന പ്രകടനം ടീമില്‍ നിന്നുണ്ടായിട്ടില്ലെങ്കിലും ഇന്ന് അതിന് സാധിച്ചാല്‍ ട്രിന്‍ബാഗോയുടെ അപരാജിത കുതിപ്പിന് അതോടെ വിരാമമാവും.

Advertisement