മലിംഗ കരീബിയന്‍ പ്രീമിയര്‍ ലീഗിലേക്ക്

കരീബിയന്‍ പ്രീമിയര്‍ ലീഗ് 2019ന്റെ പ്ലേയര്‍ ഡ്രാഫ്റ്റില്‍ ഏറ്റവും ഉയര്‍ന്ന വില നേടി ലസിത് മലിംഗ, അലക്സ് ഹെയില്‍സ്, ഇസ്രു ഉഡാന എന്നിവര്‍. 160000 ഡോളറിനാണ് ഇവരെ ആദ്യ റൗണ്ടില്‍ തന്നെ ടീമുകള്‍ സ്വന്തമാക്കിയത്. ഹെയില്‍സിനെ ബാര്‍ബഡോസ് ട്രിഡന്റ്സ് സ്വന്തമാക്കിയപ്പോള്‍ മലിംഗയെ സെയിന്റ് ലൂസിയ സ്റ്റാര്‍സും ഇസ്രു ഉഡാനയെ സെയിന്റ് കിറ്റ്സ് ആന്‍ഡ് നെവിസ് പാട്രിയറ്റ്സ് സ്വന്തമാക്കുകയായിരുന്നു.

അതേ സമയം ആന്‍ഡ്രേ റസ്സലിനെയും ഡ്വെയിന്‍ ബ്രാവോയെയും അവരുടെ ഫ്രാഞ്ചൈസികളായ ജമൈക്ക തല്ലാവാസും ട്രിന്‍ബാഗോ നൈറ്റ് റൈഡേഴ്സും നിലനിര്‍ത്തുകയായിരുന്നു.