ബാര്‍ബഡോസിന് രണ്ടാം തോൽവി സമ്മാനിച്ച് ഗയാന, ഇനി ഇരു ടീമുകളും ക്വാളിഫയര്‍ 1ൽ ഏറ്റുമുട്ടും

ലീഗ് ഘട്ടത്തിലെ ഏറ്റവും അവസാന മത്സരത്തിൽ ബാര്‍ബഡോസ് റോയൽസിന് തോൽവി സമ്മാനിച്ച് ഗയാന ആമസോൺ വാരിയേഴ്സ്. തുടര്‍ച്ചയായ നാലാം വിജയം ആണ് ഗയാന നേടിയത്. ഇന്നലെ ആദ്യം ബാറ്റ് ചെയ്ത ബാര്‍ബഡോസ് 125 റൺസിന് ഓള്‍ഔട്ട് ആയപ്പോള്‍ 14.3 ഓവറിൽ ഗയാന 5 വിക്കറ്റ് നഷ്ടത്തിൽ വിജയം കുറിച്ചു. ഇത് ബാര്‍ബഡോസിന്റെ രണ്ടാം തോൽവിയാണ്.

പോയിന്റ് പട്ടികയിൽ 16 പോയിന്റുമായി ബാര്‍ബഡോസ് ഒന്നാമതും 11 പോയിന്റുള്ള ഗയാന രണ്ടാം സ്ഥാനത്തുമാണുള്ളത്. ഇരു ടീമുകളും ഒന്നാം ക്വാളിഫയറിൽ ഏറ്റുമുട്ടും. സെയിന്റ് ലൂസിയ കിംഗ്സും ജമൈക്ക തല്ലാവാസും തമ്മിലാണ് എലിമിനേറ്റര്‍ മത്സരം.