ഏഷ്യ കപ്പിനുള്ള പാക്കിസ്ഥാന്‍ പരിശീലന ക്യാമ്പിലേക്ക് ഷൊയ്ബ് മാലിക്ക് മടങ്ങിയതിനെത്തുടര്‍ന്ന് കരീബിയന്‍ പ്രീമിയര്‍ ലീഗിന്റെ ശേഷിക്കുന്ന സീസണില്‍ ക്രിസ് ഗ്രീന്‍ ഗയാന ആമസോണ്‍ വാരിയേഴ്സിനു വേണ്ടി കളിക്കും. ഓഗസ്റ്റ് 17 വരെ ടീമിലുണ്ടാവില്ലെന്ന് അറിയിച്ച കാമറൂണ്‍ ഡെല്‍പോര്‍ട്ടിനു പകരക്കാരനായി ടീമില്‍ ഉള്‍പ്പെടുത്തിയ താരമാണ് ക്രിസ് ഗ്രീന്‍. ചില മത്സരങ്ങളില്‍ ടീമിനു വേണ്ടി കളിക്കുകയും അവയില്‍ ശ്രദ്ധേയമായ പ്രകടനം പുറത്തെടുക്കുവാനും ഗ്രീനിനു സാധിച്ചിരുന്നു.
ബിഗ് ബാഷ് ലീഗില്‍ സിഡ്നി തണ്ടറിനു വേണ്ടി കളിക്കുന്ന ക്രിസ് ഗ്രീന്‍ ഈ വര്‍ഷം സിപിഎലില്‍ മികച്ച പ്രകടനം പുറത്തെടുത്തിട്ടുണ്ട്. നിലവില്‍ മൂന്ന് വിജയങ്ങളുള്ള ആമസോണ്‍ വാരിയേഴ്സ് ലീഗില്‍ നാലാം സ്ഥാനത്താണ്. ക്രിസ് ഗ്രീന്‍ ഇതുവരെ അഞ്ച് വിക്കറ്റുകളാണ് സിപിഎലില്‍ ഈ സീസണില്‍ നേടിയിട്ടുള്ളത്.
