ന്യൂസിലാണ്ടിന് വേണ്ടി ക്രിക്കറ്റ് കളിക്കുന്നത് അവസാനിപ്പിച്ച് കോറെ ആന്ഡേഴ്സണ്. വരാനിരിക്കുന്ന യുഎസ്എയിലെ മേജര് ലീഗ് ക്രിക്കറ്റില് മൂന്ന് വര്ഷത്തെ കരാര് താരം ഒപ്പുവെച്ചുവെന്നും വാര്ത്തകള് പുറത്ത് വരികയാണ്. ന്യൂസിലാണ്ടിനെ പ്രതിനിധീകരിക്കുവാനുള്ള അവസരം വലിയ ബഹുമതിയായാണ് താന് കാണുന്നതെന്നും എന്നാല് ഇപ്പോള് പുതിയ അവസരങ്ങള് തേടി പോകുവാനുള്ള സമയമായി എന്ന് താന് കരുതുന്നുവെന്നും താരം വ്യക്തമാക്കി.
ന്യൂസിലാണ്ടിനായി മൂന്ന് ഫോര്മാറ്റുകളിലായി താരം 93 മത്സരങ്ങള് കളിച്ചിട്ടുണ്ട്. ഏകദിനത്തില് വേഗതയേറിയ ശതകത്തിന്റെ റെക്കോര്ഡ് താരത്തിന്റെ പേരിലാണ്. നവംബറിലാണ് താരം അവസാനമായി ന്യൂസിലാണ്ടിന് വേണ്ടി കളിച്ചിട്ടുള്ളത്.