ഇന്ത്യയുടെ കോച്ചെന്ന ചുമതല ലോകകപ്പിന് ശേഷം ഒഴിയുന്ന രവി ശാസ്ത്രി വീണ്ടും കമന്ററിയിലേക്ക് മടങ്ങിയേക്കുമെന്ന് സൂചന. തന്റെ മുന് കരിയറിലേക്കോ അതോ ഏതെങ്കിലും ഐപിഎൽ ഫ്രാഞ്ചൈയിൽ കോച്ചിംഗ് ദൗത്യമോ ആണ് ശാസ്ത്രി ലക്ഷ്യം വയ്ക്കുന്നതെന്നാണ് ലഭിയ്ക്കുന്ന വിവരം.
ഒക്ടോബര് 26ന് ആണ് ഇന്ത്യയുടെ മുഖ്യ കോച്ചിനായുള്ള അപേക്ഷ നല്കുവാനുള്ള അവസാന തീയ്യതി. അന്നേ ദിവസം വൈകുന്നേരം അഞ്ച് മണിയ്ക്ക് മുമ്പ് അപേക്ഷ നല്കേണ്ടതുണ്ട്. ബാറ്റിംഗ് കോച്ചിനായി നവംബര് 3 5 മണി വരെ സമയം ഉണ്ട്.