വിന്ഡീസിന്റെ ശ്രീലങ്കയ്ക്കെതിരെയുള്ള ടി20 പരമ്പരയ്ക്കുള്ള ടീം പ്രഖ്യാപിച്ചപ്പോള് ക്രിസ് ഗെയിലും ഫിഡല് എഡ്വേര്ഡ്സിനും ടീമില് അവസരം ലഭിച്ചിരുന്നു. ഗെയില് 41 വയസ്സില് നില്ക്കുമ്പോള് ഫിഡല് എഡ്വേര്ഡ്സ് 2012ന് ശേഷമാണ് ടി20 ദേശീയ ടീമിലേക്ക് തിരഞ്ഞെടുക്കപ്പെടുന്നത്.
ക്രിസ് ഗെയില് ഐപിഎലില് കാണിക്കുന്ന വെടിക്കെട്ട് പ്രകടനങ്ങള് ദേശീയ ടീമിന് വേണ്ടിയും പുറത്തെടുക്കുമെന്ന പ്രതീക്ഷയിലാണ് ടീമുള്ളതെന്നും ലോകകപ്പ് ഇന്ത്യയിലാണെന്നതിനാല് തന്നെ ഗെയിലിന്റെ ഇത്തരത്തിലുള്ള പ്രകടനം വെസ്റ്റിന്ഡീസിനെ ഏറെ തുണയ്ക്കുമെന്നും ഫില് സിമ്മണ്സ് സൂചിപ്പിച്ചു.
അത് പോലെ കരീബിയന് പ്രീമിയര് ലീഗില് പേസോടു കൂടി യോര്ക്കര് എറിഞ്ഞ് ബാറ്റ്സ്മാന്മാരെ ഫിഡല് എഡ്വേര്ഡ്സ് ബുദ്ധിമുട്ടിക്കുന്നത് പതിവാണെന്നും അത് താരം ദേശീയ ടീമിനായി വീണ്ടും ആവര്ത്തിക്കുമെന്നാണ് താന് കരുതുന്നതെന്നും ഈ രണ്ട് സീനിയര് താരങ്ങളെയും ടീമിനൊപ്പം ലഭിച്ചതില് സന്തോഷമുണ്ടെന്നും വിന്ഡീസ് കോച്ച് പറഞ്ഞു.