ഐസിസിയുടെ അടുത്ത എഫ് ടി പി മുതൽ ലോകകപ്പുകളിൽ കൂടുതൽ ടീമുകൾക്ക് അനുവാദം. ഏകദിന ലോകകപ്പിൽ 14 ടീമും ടി20 ലോകകപ്പിൽ 20 ടീമിനെയും പങ്കെടുപ്പിക്കാനാണ് തീരുമാനം. 2023 മുതൽ 2031 വരെയുള്ള ഫ്യൂച്ചര് ടൂര്സ് പ്രോഗ്രാമിലാണ് ഈ മാറ്റങ്ങള്. അത് കൂടാതെ ചാമ്പ്യൻസ് ട്രോഫി ടൂര്ണ്ണമെന്റ് മടങ്ങിയെത്തുന്നതും കാണാം. ജൂൺ 1ന് നടന്ന ഐസിസിയുടെ എക്സിക്യൂട്ടീവ് ബോര്ഡ് മീറ്റിംഗിലാണ് ഈ തീരുമാനം വന്നത്.
2003ൽ ഉപയോഗിച്ച ഫോര്മാറ്റിൽ 2027, 2031 വര്ഷങ്ങളിൽ ടൂര്ണ്ണമെന്റ് സംഘടിപ്പിക്കാമെന്നാണ് ഐസിസിയുടെ തീരുമാനം. ഈ രണ്ട് വര്ഷവും 54 മത്സരങ്ങള് ടൂര്ണ്ണമെന്റിൽ കാണും. സൂപ്പര് സിക്സ് സമ്പ്രദായം തിരിച്ചു വരുന്നത് ഈ ലോകകപ്പുകളിൽ കാണാനാകും. ഈ കാലയളവിൽ 4 ടി20 ലോകകപ്പുകളും കാണും. എട്ട് വര്ഷങ്ങൾക്ക് ശേഷം ചാമ്പ്യന്സ് ട്രോഫിയും തിരികെ 2025ൽ മടങ്ങിയെത്തും.