ജൈത്രയാത്ര തുടര്‍ന്ന് ശ്രീ താരാമ

- Advertisement -

സെലസ്റ്റിയല്‍ ട്രോഫിയില്‍ തുടര്‍ച്ചയായ മൂന്നാം ജയം സ്വന്തമാക്കി ശ്രീ താരാമ സിസി. ഇന്ന് നടന്ന മത്സരത്തില്‍ സിക്സേര്‍സ് സിസിയെ ആണ് ശ്രീ താരാമ പരാജയപ്പെടുത്തിയത്. രാജ് മോഹന്‍ മാന്‍ ഓഫ് ദി മാച്ചായ മത്സരത്തില്‍ 6 വിക്കറ്റിന്റെ വിജയമാണ് ശ്രീ താരാമ സ്വന്തമാക്കിയത്. മത്സരത്തില്‍ ടോസ് നേടിയ സിക്സേര്‍സ് ബാറ്റിംഗ് തിരഞ്ഞെടുക്കുകയായിരുന്നു. അക്ഷയ് നേടിയ അര്‍ദ്ധ ശതകത്തിന്റെയും അരുണിന്റെ 45 റണ്‍സിന്റെയും ബലത്തില്‍ 27 ഓവറില്‍ 9 വിക്കറ്റ് നഷ്ടത്തില്‍ 159 റണ്‍സാണ് സിക്സേര്‍സ് നേടിയത്. ശ്രീ താരാമയ്ക്കായി മനു രണ്ടും രഞ്ജിത്ത്, ജിത്തു, ജിഷ്ണു, സൈദു കമാല്‍ എന്നിവര്‍ ഓരോ വിക്കറ്റും നേടി.

മറുപടബി ബാറ്റിംഗിനിറങ്ങിയ ശ്രീ താരാമ 4 വിക്കറ്റ് നഷ്ടത്തില്‍ 20ാം ഓവറില്‍ വിജയം സ്വന്തമാക്കി. 30 പന്തില്‍ 6 സിക്സുകളുടെ അകമ്പടിയോടെ 56 റണ്‍സ് നേടിയ രാജ് മോഹനും പുറത്താകാതെ 37 റണ്‍സ് നേടി യാദവും, രഞ്ജിത്തുമാണ്(14 പന്തില്‍ പുറത്താകാതെ 28) ടീമിനെ തുടര്‍ച്ചയായ മൂന്നാം വിജയത്തിലേക്ക് എത്തിച്ചത്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement