മുത്തൂറ്റ് മൈക്രോഫിന് സിസി എറണാകുളത്തിനെതിരെ 23 റൺസ് വിജയം നേടി റോവേഴ്സ് സിസി തിരുവനന്തപുരം. സെലസ്റ്റിയൽ ട്രോഫിയുടെ ചാമ്പ്യന്സ് റൗണ്ട് മത്സരത്തിൽ ടോസ് നേടി റോവേഴ്സ് ബാറ്റിംഗ് തിരഞ്ഞെടുക്കുകയായിരുന്നു. എന്നാൽ 26.1 ഓവറിൽ ടീം 128 റൺസിന് ഓള്ഔട്ട് ആയി.
റോവേഴ്സിനായി അജീഷ് 38 റൺസും ശ്യാം രാജ് 25 റൺസും നേടിയപ്പോള് വിഷ്ണുദേവ് സാബു 20 റൺസ് നേടി. മുത്തൂറ്റ് മൈക്രോഫിന് സിസിയ്ക്കായി ബാലു ബാബു 3 വിക്കറ്റും അനൂപ്, നിഖിൽ എന്നിവര് രണ്ട് വീതം വിക്കറ്റുമാണ് നേടിയത്.
മറുപടി ബാറ്റിംഗിനിറങ്ങിയ മുത്തൂറ്റ് മൈക്രോഫിന് ബാറ്റ്സ്മാന്മാരും നിലയുറപ്പിക്കുവാന് ബുദ്ധിമുട്ടിയപ്പോള് 18.1 ഓവറിൽ 105 റൺസിന് എതിരാളികളെ എറിഞ്ഞിട്ട് റോവേഴ്സ് വിജയം കുറിയ്ക്കുകയായിരുന്നു. 4 വിക്കറ്റ് നേടിയ അജിനാസ് ആണ് ബൗളിംഗിൽ റോവേഴ്സിനായി തിളങ്ങിയത്. ഗിരീഷ് 2 വിക്കറ്റ് നേടി.
റോവേഴ്സിന്റെ അജീഷ് ആണ് കളിയിലെ താരം.