നിലവിലെ സെലെസ്റ്റിയൽ ട്രോഫി ചാമ്പ്യന്മാരായ പ്രതിഭ സിസിയ്ക്ക് ചാമ്പ്യന്ഷിപ്പ് റൗണ്ടിലെ ആദ്യ മത്സരത്തിൽ തിരിച്ചടി. മാസ്റ്റേഴ്സ് റോയൽ സിസിയോട് ടീം പരാജയപ്പെടുകയായിരുന്നു. ആദ്യം ബാറ്റ് ചെയ്ത പ്രതിഭ 165 റൺസിന് ഓള്ഔട്ട് ആയപ്പോള് മാസ്റ്റേഴ്സ് ആര്സിസി 28.1 ഓവറിൽ 6 വിക്കറ്റ് നഷ്ടത്തിൽ ലക്ഷ്യം മറികടക്കുകയായിരുന്നു.
പ്രതിഭയ്ക്ക് വേണ്ടി കെഎ അരുൺ 69 റൺസും പിഎസ് സച്ചിനും 40 റൺസ് നേടിയപ്പോള് മാസ്റ്റേഴ്സ് ആര്സിസി നിരയിൽ അജിത് നാല് വിക്കറ്റും പവന് രാജ് മൂന്നും അഖിൽ സക്കറിയ 2 വിക്കറ്റും നേടി.
64 റൺസുമായി പുറത്താകാതെ നിന്ന അക്ഷയ് മനോഹര്, 50 റൺസ് നേടിയ സഞ്ജയ് രാജ് എന്നിവരാണ് മാസ്റ്റേഴ്സിന്റെ പ്രധാന സ്കോറര്മാര്. സിന്ഡോ മൈക്കൽ 20 റൺസും വിനു കുമാര് പുറത്താകാതെ 16 റൺസും നേടിയപ്പോള് 28.1 ഓവറിൽ 169/6 എന്ന സ്കോര് നേടി 4 വിക്കറ്റ് വിജയം കൈക്കലാക്കി.