സെലസ്റ്റിയൽ ട്രോഫിയുടെ ചാമ്പ്യന്സ് റൗണ്ടിലെ ഗ്രൂപ്പ് സി മത്സരത്തിൽ റോവേഴ്സ് സിസിയെ പരാജയപ്പെടുത്തി അത്രേയ ക്രിക്കറ്റ് ക്ലബ്. ഗ്രൂപ്പിലെ അത്രേയയുടെ രണ്ടാമത്തെ ജയം ആണ് ഇത്. ഇന്ന് ആദ്യം ബാറ്റ് ചെയ്ത റോവേഴ്സ് 27 ഓവറിൽ 164 റൺസിന് ഓള്ഔട്ട് ആയപ്പോള് 22 ഓവറിൽ 3 വിക്കറ്റ് നഷ്ടത്തിലാണ് അത്രേയ ലക്ഷ്യം സ്വന്തമാക്കിയത്.
47 പന്തിൽ 76 റൺസ് നേടിയ ജോഫിന് ജോസും 41 റൺസ് നേടിയ അക്ഷയും ആണ് അത്രേയയുടെ അനായാസ വിജയം ഒരുക്കിയത്. ഇരുവരും ചേര്ന്ന് നാലാം വിക്കറ്റിൽ 113 റൺസാണ് നേടിയത്. 32 റൺസ് നേടിയ ആകര്ഷ് ആണ് മറ്റൊരു പ്രധാന സ്കോറര്.
ബാറ്റിംഗിലെ മികവിനൊപ്പം ബൗളിംഗിൽ അത്രേയയ്ക്കായി രണ്ട് വിക്കറ്റ് നേടിയ ജോഫിന് ആണ് കളിയിലെ താരം. ആദിത്യ ബൈജു, ടിഎം വിഷ്ണു എന്നിവര് മൂന്ന് വീതം വിക്കറ്റ് നേടി. റോവേഴ്സിനായി 60 റൺസ് നേടിയ ഷൈന് ജേക്കബ് ആണ് ടോപ് സ്കോറര്. ഗിരീഷ് 34 റൺസ് നേടി.