ജാക്വസ് കാല്ലിസിനെയും ഷെയിന് വാട്സണെയും പോലെ തനിക്ക് ടോപ് ഓര്ഡറില് ബാറ്റ് ചെയ്യാന് കഴിയുമെന്ന് പറഞ്ഞ് ഇന്ത്യന് ഓള്റൗണ്ടര് വിജയ് ശങ്കര്. അവര് ഓപ്പണിംഗോ വണ് ഡൗണോ ഇറങ്ങി ബൗളിംഗും ചെയ്യുന്ന പോലെ തനിക്കും അതിന് സാധിക്കുമെന്ന് വിജയ് പറഞ്ഞു.
താനൊരു ഓള്റൗണ്ടറാണെങ്കിലും ബാറ്റിംഗിനാണ് കൂടുതല് അറിയപ്പെടുന്നതെന്നും ഓള്റൗണ്ടര് ആയത് കൊണ്ട് മാത്രം ബാറ്റിംഗില് ആറാമതോ ഏഴാമതോ ഇറങ്ങേണ്ട കാര്യമില്ലെന്നും തനിക്ക് ടോപ് ഓര്ഡറില് ബാറ്റ് ചെയ്യുവാന് കഴിവുണ്ടെന്നും താരം പറഞ്ഞു.